FOTO e VIDEO - Carnevale a Varese, tutte le immagini. Il Re Bosino "tira le orecchie" al Comune...

Grande festa a Varese per il Carnevale Bosino. Migliaia di persone hanno assistito a balli e sfilate per le vie del centro città: ecco il nostro racconto fotografico.

Il discorso del "re" Bosino ha chiuso come sempre la manifestazione: colui che per una settimana ha avuto le chiavi della Città Giardino ha "tirato le orecchie" al Comune su alcune questioni, tra cui il traffico e le luminarie natalizie.

Il discorso integrale:

Donn e tusàn, óman e fiö, gént da Varées,
di tücc i Castelànz, dul céntro e di paés:
Busitt, mi va salüdi! L’è mia ‘na busìa:
ma piàas pròpi da vèss in vòstra cumpagnìa
e fà ‘n pù da baldòria cun tücc i ‘mè busitt,
sia giùin e sia vécc, sia grand che piscinìtt.

Finìi du la pandemia ‘sto gran turmént,
sémm finii in ‘na vaca da guèra, sachfurmént!
Ma incöö ancabèn in regim da cunumìa
tütt i paür, tütt i arlìi gh’hèmm da trà vìa.
Ancabén ghe sìa ul busìlis d’ra energia
pódum anmò divertiss in bóna armunia.

Ul vòst Re Busin ‘I s’è truàa in dificultàa,
par i discüssiun, ul malumùur suscitàa,
parchè l’è mia cumè ‘na volta ‘I carnavàal
e tütt i ròbb hinn stài ridótt a l’esenziàal;
bürucrazìa, sicürézza gh’hann un cóst:
i disgràzi hinn sémpar lì, prunt ‘mè i tàul di òst!

L’ann passaa hinn stài cumpletãa di bèi laurà:
ul palaghiaccio, ul Bernascun desquatãa.
Mundiài da canutàgg, ul dì dul Presidént,
hann dài lüstar al nòstar paés certamént.
Ma gh’hinn tànti àltar laurà, in gìir, a vèss sincér
e sa spécia da vidén sarà sü i cantiér.

Cambiamént da prugètt, tànta bürucrazìa
cumpeténz rimbalzàa, danée ca rìvan mìa.
Per vidé la caserma finìda, Diu vuréss,
che ‘I Re Busin ‘I póda vèss anmò quéll da adèss!
Cerchée da fà ‘n quaicòss, par piasée, vöri mìa
da vèss regurdàa ‘n dì par quésta prufezìa!

L’è impurtant ca ‘l’sa tìra drizz e pésg che in prèssa,
parché di àltar ròbb da fà ghe n’è ‘na rèssa!
Punt di staziùn, larg Flaiano, che cunfüsiun!
UI trafìch in Varées l’è sémpar ‘n’ussessiùn.
La funiculàar, saràda sü da cinq ann
(patrimòni da l’UNESCO…): gnànca parlànn!

Sa pó mia dagh tütt i tòrt a chissessìa
se da nünch, chichinscì, gh’è ‘n quaicòss che ‘I và mìa.
Ann fa sa decantàva la nòstra cità
par cumè ‘I sa pó viiv e la sua qualità;
l’àltr’ann Varés l’è nàja püssée indrée,
in classifica, a dispètt di sò belée.

L’è véra che a Varés gh’hinn laurà e bundànza
g’ha naréss bè ‘nca quésta! ròba da sustanza!
L’è pròpi véra: hinn mia tüsscòss i danée
quand àltar qualita dul vìiv hinn mia bun assée…
giuntàgh in sicürézza, ambiént e cultüra,
par la nòstra cità, l’è mia ‘n gran vant, sücüra!

Dul Bobo Maroni sentirémm la mancànza:
omm istrüìi, irònich, a la man, da impurtànza.
Ma da gént d’ingégn e da bóna voluntà
ghe n’è sémpar, tra nost busìtt, ‘na gran quantità.
Gent d’ra pulitiga: ‘na volta fài i prumèss,
fö la paja: di robb fài fée vidé ‘I süccèss!

Pócch dì dòpu Natàal, un pù da nascundùn,
in Varés sun ‘nài a vidé l’inlüminaziùn.
Bèla e mudèrna in di stràa dul céntro cità,
ma quéla di giarditt m’ha lassàa stracuntàa..
Ul primm pensée a vidéla l’è stai trequàal:
val, mò la festa da san Vitùr l’è a Natàal.

Chichinscì a vuré ‘nà inànz, finissaria pü
però sun già stai lungh, l’è méi taiàla sü
Mo finissi, va lassi in bóna cumpagnia
di vòst da cà, di amìis, e par finìi in legrìa
mi va ‘I racumàndi: bevi ‘n bicér da vin
a la salüüt vòstra e dul vòstar…
Re Busin!